هجوس الشعر تنخاني هذا الليل أبدع الطاروق=سلام الله على أهل الحله اللي نورهـا بـادي
مع أهل المعرفه معروف تاجر معتمد فالسوق=وادور كـل سلعـه غاليـه لوسعرهـا زادي

هجوسي ياهجوسي باشريه بطيب المنطوق=وقولي للمسلم مرحبابك يابـن الاجـوادي
لعلك ماتهون وكل تاجر صادقٍ مصـدوق=نعزه وان لقينا للعلـوم اثبـات واسنـادي

تعاملك أنت طيب ياجودي وأنا أشهد أنه ذوق=يدوم الك البقا والله سبحانـه هـو الهـادي
أنا مثبت كلامي وأنت أضنك لا حقتك أحقوق=وعلم أهل الوفاء يحتاج له مجلس وبـرادي

على وضحى النقاء حياك لادارق ولامدروق=بقيت السلم وإلا يالسنافي حرب وجهـادي
بعدها لاكشفت الخزنه اللي داخل الصندوق=فلزات الذهب ماهي سوات المعدن الصادي

ترى محاربك ماهو معجزه وأنا مابالك عوق=ولا ودي سهومي تحرجك قدام الاشهـادي
فلزات الذهب عند الكريم وطاقها مطبـوق=كريم يرزق عباده ماهو فالـدرب متحـادي

لو الله يالمريعي شفت لك حرٍ تعلا فـوق=تذرا بالشجر عن حروته وتجيد الالبـادي
نبت لك ريش لكنك اكلت بسبته خـازوق=جناحك يوم يجنحبك ماتدري وين بك غادي

صقورالجو لن حامت وشافت فالسماء غرنوق=تعافه ماتصيده لويجي هـو لجلهـا مفـادي
وخوازيقي تسدك مار روقها وغصب تـروق=يابن برمان حنـا نعرفـك ماعـاد تزتـادي

مدامك معترف روح وعالج راسك المفلوق=بعد جربت فعله لاتزيد الهـرج بعنـادي
سحابة صيف لو رعادها قبله لميع بروق=مطرها عج لو يسريبها بـارق ورعـادي

قوي الباس راسي والبلا من دقنك المحلوق=ترى راع الخطاء مايعترف ويصير متمادي
مزون مدلهمه فوق راسك خيلت وتسـوق=سيولٍ تقتلع صم الحصى وتحـدر الـوادي

علامك ماحميت بقو باسك حبك المدقـوق=لعاد انك شجاع وفارسٍ تذكر لك امجـادي
تصبر ثم تجبر بعد ضامك جنبك المفتوق=عطيبٍ من سهمنا اللي يسمى سم الاكبادي