|
مع بعضها تنفظ الريش وتطير
الجليس مرافقـه وضعٍ خطير=منه شر و منه ياهل العرف خير
بالجليس اوحيت شعـارٍ تقـول=واكتفي بحكام من قول الحريـر
كل حـيٍ لـه ونيـسٍ بالحيـاه=من على الدنيا يحصل له عشير
الرجل تلقاه من بيـن الرجـال=والحقير يصاحبه مثلـه حقيـر
وعن مقام المرء ينبيك الجليس=اعرف الاول وتـدري بالاخيـر
ماكذب من قال فكـر بالطيـور=مع بعضها تنفض الريش وتطير
والاوادم مثلها فـي كـل حـال=والوقايه قـدم لاشـئ يصيـر
من يجالس واحدٍ مافيـه ديـن=لايواكب منهجه لو هـو كبيـر
كم كبيرٍ ماعرف سـر الحيـاه=مرضي الشيطان من يومه صغير
اول المشوار في طيش الشبـاب=من جليس السو والوضع الخطير
الهواء والنفس وضعاف العقـول=في زمان اليوم يعمون البصيـر
من جليس السو تشتال الثقيـل=يوم راع الخير مرتاح الضميـر
مـد شوفـك للبعيـد وللقريـب=ورفع النيشان عن ميل القصيـر
واحترس ويًّاك من سو الظنـون=سو بعض الظن مفتـاح السعيـر
يحبط الاعمال ويفـر القلـوب=ثم تعّرض للعبـوس القمطريـر
والختام أزكـا التحيـه والسـلام=للرسول اللي على هديـه نسيـر
الشاعر....غازي الزغيبي
|