الراقي=
يا من لكم عندنا مقدار = يا حر ما تنطفي ناره
سلام فبداية المشـوار = بعد المثل زان مشواره
سالم البشري=
من روضة الشعر والشعّار = نقطف لك الورد وازهاره
ترحيب ياراقـي الأفكـار = اللي بدا هاجـس افكـاره
الراقي=
عسى البقا واسمع المحتار = اللي البشر فيـه محتـاره
كم له يقاوم لهيب النـار = اللي مـن العـام سعّـاره
سالم البشري=
لاتحط بين الكلام ستـار = وضّح شهوده وحضّـاره
وانا اعرف انّ الزمن دوّار = والسبع مقصوص بآثاره
الراقي=
هيا معي اسمـع الاخبـار = لاجل انت تنشد عن اخباره
القلب حافت به الاخطـار = اسبابـه الـود واخطـاره
سالم البشري=
بالي معك والمشير يشار = مادام ودك وقـد نـاره
عجل وقلّي على ماصار = القلب كيف العنـا زاره