العمودي=
سلام ردة وفا نبدي بها لشّيخ عبد الكريم= والجايزة من نصيب أللي يحققها ويسري بها
والليلة الليلة المعنى طريقه بين شيش وسليم=والروح من حظّها ربي محقق لي مطاليبها
عبدالكريم=
يامرحبا من ضمير القلب وافهم قولنا يافهيم=انته وانا نعرف أللي طيبة ونزيد في طيبها
والليلة الليلة المعنى مابين اهل الحفر والقصيم=وانته يابو زيد تصبح لك بدار ودار تمسي بها
العمودي=
عسى البقا يالمرحب عد ماهبت هبوب النسيم=والطيبة أللي تجي من يمكم قاري مكاتيبها
وأللي يطب الحرم تلقاه مابين الصفا والحطيم=وديار نمسي بها ماظن بعض الناس يدري بها
عبدالكريم=
لنكنت يابو عمر تبغى تعود دارك أللي قديم=هات البطاقة وغادر مملكتنا لا تهذري بها
يمكن جماعتك لا عودت معهم وقعو لك زعيم=لكنك احفظ شروطك للصلاة أللي تصلي بها
العمودي=
حنا نروح ونجي وانته بوادي خليص خلك مقيم= ترعى الغنم في هياج الحمض طول العمر وتجيبها
أما الزعامة لنا من عهد جدي بالزمان الصريم= ونعرف شروط الصلاة والواجبة نعرف تراتيبها
عبد الكريم=
أنا بربعي وعايش نحمد الله وسط جنت نعيم=وانته معنى وعيشتك الشقية وش تسوي بها
ليتك كما جدك أللي كان عايش طول عمره حكيم=الله يرحمك ياللي تكرم اللحية واشانيبها
العمودي=
من راح جاب الغنايم والذي ماراح حالة عديم=ماجاب مكسب وخلق الله تنعم في مكاسيبها
وحنا ورثنا من الجدان مكسب عظيم=والحكمة اللي انت تطريها تعلمنا مهاذيبها