تركي
سلام صادر من الأعماق = من صافي القلب والنيه
ياخال جرحي فكل إشراق = يزيدني فوق مابيه
أبو عيد
ترحيب من خالك المشتاق = لتوضيح الأسباب وش هيه
أليم جرحك ولا ينطاق = وعندي علاجات فوريه
تركي
هيا معي نطلع الآفاق = ونواجه الغيم رديه
نبغى الكلام الذي لاساق = مثل الدرر وأكثر شويه
أبو عيد
لاعسعس اليل جوي راق = وأكتب لك القاف بإيدية
مثلك أنا خاطري تواق =أرقى معك للنجوميه
تركي
ماضاق صدري مثل ماضاق = ياخال فأيامنا ذيه
أقدم الطيب والأخلاق = ويقدمون الأذى ليه
أبو عيد
لو الذهب تحمله بأطباق = وتخصبه ناس ماويه
لن كان مابينكم ميثاق = لا تضيق النفس مو ليه