بحر الكسره =
دكتورليه الهوى جـذاب = امـال ماعـاد تكفيـنـا
القلب صابر وصبره ذاب = عندك دوا لـه تعطينـا
دكتور الهوى =
لايروح عمرك كذا منصاب = يا بحر ان كـان توحينـا
ترى الامل ما انقفل له باب = مـادام فـا الله رجاوينـا
بحر=
جنيت من ودهم اتعـاب = والقلـب دايـم معنيينـا
الجرح في داخلي ماطاب = ملقيـت منهـو يواسينـا
دكتور=
لاتمل من عشرة الاحباب = وتقول ماعـاد يمدينـا
يمكن دخل بينكم كـذاب = فرق ما بيـن المودينـا
بحر=
كل ما عطينا الامل ماصاب = الصبـر مـاعـاد يقديـنـا
درب الهوى في طريقي خاب = ماضـن بالـود يشريـنـا
دكتور=
دام الامل والصبر ماجـاب = مركب شراعك على المينـا
وش ترتجي فوده ..النصاب = مالـك ومـال المقفيـنـا