المشاركة الأصلية كتبت بواسطة ;583883

اغيب لحدتني ظروفي اغيب=واحضر ليا جابتني اشواق الاحباب
لاحباب0 والا لباقي الناس مااجيب=لكن لبعض الناس تجذبني اسباب
اسباب 0تجعلني قريّب محاضيب=مااقدر على فرقاء المحبين ياعقاب
ياعقاب 0عذبني هوى الزين تعذيب=ماادله ولو ساعه لياغبت وان غاب
ان غاب 0عقّب في فوادي لواهيب=مااصبر بدونه لو تصبرت كذاب
كذاب 0لو اني تظاهرت بالطيب=قلبي من اسبابه له سنين ماطاب
ماطاب 0وبراسي بدأ يطلع الشيب=من سبته شيّب براسي وانا شاب
شاب 0وحصل لي في زماني عواقيب=واسكت ولو يحصل معاناه وعتاب
عتاب0 من لايعرف الطيب والعيب=وماذاق من لوعات تلعات الارقاب
ارقاب 0واوصاف جميله واساليب=تملك قلوب اهل المعرْفه والالباب
الباب0 من مثلك لهم راي مصيب=يوخذ برايك لوحصل بعض الانشاب
انشاب 0حالت دون كل المطاليب=وأعلنت باللي صارلاصحاب واجناب