هاذي حداية فكاهيه من الشيخ ضيف الله بن صقر الهباني عند ربعه بني عاصم الهدمه في حشاش قبل حوالي 7 سنوات والمعنى الديره وكان الشيخ ضيف الله يريد ان يخرج بني عاصم من الديرة ويقول إن الديرة كلها لربعه هبانه وان بني عاصم قسمهم قليل واعطاهم مابعد جبل شعرين مع الحدود مع سليم وكان الرد من الهدمة ومعهم الشاعر حجيج بن براك السملولي رحمة الله عليه وكان ردهم ان اخرجوا هبانه من الديرة كلها وقالوا خلوكم فالهدا وديرة الأشراف اللي كسبتوا منها مساكن لكم ويقول فيها :
الاوله
سلام ردية وفاء لاهل الوفاء وأهـــــل الشجاعه
تضفي على أهل النوب ورجال يحفظون الوداعه
وش عندكم فاالوزعه اللي يمكم راحت طمــاعه
يحدكــم شعرين شام وحـــــــدنا الجنب اليماني
الثانية
حنا كسبنا من حلال القوم واللي بالسباعه
أعطيت وزعتكم خليفه بالأمانه في ذراعــه
ماني معزب فالقسوم ولامفرق باالجماعــه
فوقه ثنين شهود واحد عاصمي وابن الهباني
الرد كان معهم حجيج الله يرحمه وأنا ماعرفته الا هاك اليوم
الاوله
يامرحبا في مرحبا في كل حين وكل ساعه
الله يحييكم على التكميل مــــــافيه انقطاعه
حنا تقسمنا وكلن شـــال قسمه باالقناعـــه
يحدكم وادي الهدا وإبتل مسند مــــن وزاني
الثانيه
مكسبك مالي فيه دعــــــوه كل راس فيه ناعه
اللي كسبتوها مــن الأشراف واللي من خزاعه
ماني مفرق بين جيرانك واخـــوك من الرضاعه
وأهل المثل قالوا يجيك الخوف من بطن الأماني
وتقبلوا تحياتي