من طالنا خيره عسى عمره يطول= ما يجحد اهل الطّيب يكود الرِّدي
شعيل ما يخذلك في شيل الحمول= و لا يتعب من الماد لو هو سرمدي
عنِّز على زحلٍ مجرَّب من زحول= الى نخيت لفزعته جاك يعدي
و ان تهت في بحرٍ به امواجٍ تهول= تلقاه في كبد السما مثل الجدي
مهوب ثرثارٍ يقول و لا يطول= عنده لسانه راس ماله و البَدي
الى شبع من نايد الناس الغفول= عود على لحمه بموس و مبردي
هذا و شبهه في البلد ودِّك يزول= حتى البلد ينعم بخيره و يهدي
و ربّي حمى هذي البلد دار الرسول= من شلّةٍ خانت هل الكف الندي
نجم الأمن عساه يبطي بالإفول=بالطيب و الفزعات ما جا له لدي
أعطى الأمان لنذل مرسل من نذول= و غدر وراح بدرب شيطانه فدي