سئلـت وواجبـي رد الاجابـه=اجاوب سايلـي والجـو هـادي
وحنـا ليـا نصتنـا مانتعـذر=أخذنا من الجبل سبعة هـوادي
نجاوب بالجواب اللـي يبرهـن=ولانحسب لهـا حـر وبـرادي
يقول اللي سألني فـي سوالـه=يقول من أي قوم من البـوادي
سال والعلم خلفـه علـم ثانـي=حسب مبدا سوالـه واعتقـادي
يبين بنطق مضمـون العبـاره=عن اللي عامد الغلطه اعمـادي
وان من باب فخري واعتـزازي=اجاوب سايلـي قـول وكـادي
اجاوب كل كلمـه مـن سوالـه=ولااحط الجيم والمضمون ضادي
اجاوب سايلي حسب اطلاعـي=جواب شامـل ماهـو انفـرادي
جواب مادخل بالـزور وايضـا=احسّب قبل ما بديـه انتقـادي
جوابـي كلمـةٍ منهـا وفيهـا=شعاع النور مع قـدح الزنـادي
اجابـه ساسهـا يرفـع بناهـا=يرويها الشيخ للـي بالمهـادي
انا من حرب والقـوم الحريبـه=هل الردات فـي يـوم التنـادي
اقولـه وانتبـه للـي بقـولـه=كـلام لـه براهيـن وسنـادي
خبرنا كـان ماتعـرف خبرنـا=خبرنـا بالوفـا ماهـو بعـادي
لنا في سيرة المعصـوم سيـره=ولنا تاريخ مع سيـد العبـادي
حضرنا ياعميلـي فتـح مكـه=تحت راية لمـن للديـن قـادي
ودليل القول محصـان عددنـا=ألفـنـا وزدنــا بالـعـدادي
الفـنـا ولاالــف سـوانــا=وشفيع الخلق يدعو للجهـادي
وبعض الناس مذكـور عددهـم=وبعض الناس تاريخه حيـادي
دام التاريخ اشاد بمجـد ربعـي=تسلـي يـام سالـم بالـدوادي
تسيـر القافلـه بخطـا رزينـه=ولو صوت المباري فيـه زادي
وازيدك علم لـو مانتـه بقـده=لكن السيف سل مـن الغمـادي
بلدنـا كـان ماتعـرف بلدنـا=عليه النور من منشـاه بـادي
سكنها واستعان بمـن سكنهـا=بعونة واحـد يحـي الجمـادي
بدا نـور البريـه مـن بلدنـا=وضفا نوره على كـل البـلادي
وآمن من كان يومن بالحقيقـه=ورفض من جاك علمه يالمرادي
وخضع والنار تسعر في غصونه=ولازالـت بعـروق الـكـدادي
سناها من لهبهـا فـي هدبهـا=وتموت النار واتلاهـا رمـادي
وترى قولي له التاريـخ شاهـد=يبين العلم مع طـول التمـادي
نقول الصدق والنفـس العليلـه=تـداوى بالزبيـدي والزبـادي
وكـلام مايبرهـن مانقـولـه=ونقول لقايلـه قولـك ربـادي
وزيد اللي سمع تمجيـد قومـي=كلام واقعـه جسـر اعتمـادي
اقوله وافتخر بـه يـوم اقولـه=وابي له منك يا السايل مـلادي
خبرنـا بالوفـا عـزز جبرنـا=وركبنا به على وسق الشـدادي
جلدنا في خـوي القـوم ستـه=وعن التاشير قطعنـا الايـادي
واخذنا الثار في من كان معنـا=خوي القوم فـي مـزود وزادي
وباقه من نقـل حتفـه لكتفـه=وبدا فعل المثـاري بالسـدادي
جلد سته وقيل انهـا الملامـه=ويمنى خال المثاري فيـه زادي
ولنا ميقاف تشهد بـه اعدانـا=من اجل الجار بنحور الاعـادي
فدينا الجـار بالنفـس الزكيـه=وقفلنا الباب من دون السـوادي
فعول ما فعلهـا اللـي تبجـح=يشيد بسيرته فـي كـل نـادي
واذا عدنا لمزايـا حـرب قلنـا=مزايـا سلمنـا ماهـي جـداي
ورثناها من اللـي قـد ورثهـا=على عصر بن منذر وبن عادي
اهل شيمه واهل عطف وتسامح=واهل شـده اذا حـل العنـادي
وتلقا العلم عن سوقـة جملنـا=على وضح النقا ماهو هجـادي
ويجيك العلم عن بيـت مبنا=تنشّد وين ابوسبعـة عمـادي
يجيـك العلـم عنـا ويتثـنـى=على سمـع لخازوقـه ينـادي
مزايانـا بهـا تحشـم الحانـا=بذكـر الطيـب والا بالهنـادي
منا من يعـط الخيـل الاصيلـه=ومنا من يعط الهجـن التـلادي
ومنا من يعط العـرب الجلايـل=ومنا من يعطي صلبات العضادي
ومنا فكاكة البـوش المطـرف=ومراتع بوشهم وسط الحمـادي
ومنا من يكرم الضيف وقصيره=على الميسور كنه فـي عيـادي
اهل خيل لها صولـه وجولـه=واهل شلف لهـا روس حـدادي
مضاربهـا ليـا منـا نويـنـا=تفج الجسم مع وصط الفـوادي
يعرفها من جلب نفسه لاهلهـا=على ظهور السبايـا بالطـرادي
مغاويـر علـى قـب طـلايـع=صناديد عـن الواجـب نفـادي
ومراتعنا بنجـد اللـي تسمـى=ديار الخيل وعـراض التـوادي
لنا فيها السنام مـن البسيطـه=دكاكة عـرق والاسيـف وادي
ولنـا فيهـا مواريـد رويــه=ولنا فيهـا مقاطيـن ومنـادي
واقول لحرب يا حسامي ودرعي=وذراي وظل راسي واستنـادي
اعذرونـي بمجـد ماذكـرتـه=قصر عن بعض مغزاي اجتهادي
ذكرت اللي مضـى منـا وعنـا=وصدى التاريخ فيما قلت اشادي
قبيلـه شأنهـا شـان القبايـل=ويسب الناس من خافيـه رادي
وكل فيـه حقـه مـن رجالـه=تسير الناس بسلـوم ومبـادي
لعـل الله يعـز اللـي خشرهـا=والف بين النـداوي والحنـادي
الّفهـم بالشريعـه والعـدالـه=وساوى بينهم والامـن سـادي
وحول دارهم عقـب المجاعـه=الـى دار الرخـا والاقتصـادي
وانا ماهمني قـول السفاسـف=لكن عليـان يقزيـه القـرادي
تحملنـا الخطايـا بالمجـامـل=وتبين مثـل ماقـال المهـادي
يشب النار من يوقـد حطبهـا=ويطف النار من رايـه سـدادي
ويجيب السالفه مـن لايعرفهـا=ويضيع المهتدي مع درب غادي
جذور المر ابو ليلـى زرعهـا=ولها من خلف ابو ليلى امتدادي
وكان العقال تضحك خلف جاهل=على روس الثمر حل الجـرادي
ونقلها من حملهـا ولااحتملهـا=وجهز منشار عنتر للحصـادي
وتعود مثـل ماكانـت ويعـرف=من له بالقسا عـزم وجـلادي
ويندم مـن بـدا بالشـر نـاره=مباد ركبهـا منهـا استفـادي
يقولون العرب من كـان يزعـم=بكيـد النـاس لابـده يكـادي
وختم الفاف في قول الكريـزي=برده يوم يرسـل لابـن هـادي
كفى والحـر تكفيـه الاشـاره=وتطوف اسماع مدن بالرقـادي