خطي يابو صالح قطع طول الاميـال=يحمل لكم فايق سلامـي والاشـواق
ياصاحب ٍ خوتك تشـرى بالامـوال=كلمة شرف ماقلتهـا زور وانفـاق
منته لقول الكـذب والـزور نقّـال=مبداك طيب والنسب طيب اعـراق
ياتيك بعده شرح موجـز للاحـوال=والعرف وهبـه مايبيعوه باسـواق
امشي على رمضا هلك جسمي اللال=والوقت سيفه صاطي ٍ وسط الاعماق
والجسم ناحل وانبرى كامـل الحـال=مثل الشجر لامن بدى حتّ الاوراق
هم الزمن في مهجتي صـار نـزّال=مدري متى نختـم تلاقيـه بفـراق
والصبر لوهـم يمدحونـه بالامثـال=ماشوف له قيمـه ولاعـاد ينطـاق
عزي لمن كتفه شكى ثقل الاحمـال=ماعاد تقدر ترفعه عظمـة السـاق
العلـم منـي جـاك ياطيـب الفـال=وعندي ثقه بقرا من الـرد مـالاق
والختم صلـوا عـد ماهـل همـال=على الذي وجهه تشابه بالاشـراق

يامرحبا باللي على طول ع البال=سلام من قلبي لحضرته ينساق
الصاحب الغالي وهو نعم رجال=مثل الثريا لاتعلى باالآفاق
طبع الزمن والوقت ياصاح ميال=لو هو صفا يومين ثالثه ماراق
لا شك أنا صاحبك لو وقتكم مال=كلمة وفا مني صدوقه من اعماق
والصبر طعمه مر في كل الاحوال=علقم ولابده من الوقت ينذاق
نهايته زينه ولو طال ما طال=لا بد ليل الهم يجلى بالإشراق
ومحمد المصدوق كم قبلنا شال=دعا الخلايق بالمحبه والارفاق
صيته ملا الدنيا ويبقى ولا زال=بلغ كتاب الله ودون بالاوراق
واللي ظلم من قبل غادر بزلزال=واللي تكبر كان تاليه الإغراق
واليوم اشوف الناس تفخر بالاموال=باعت ضمايرها مع كل الاخلاق
ياما وياما دمع نايف جرى سال=وياما سهر أيام من جور وفراق
لكن فرجها عالم السر والحال=رب ٍ كريم ٍ دوم للقاه نشتاق