فواز الزويهري=
سلام حاضر لكم نغليه = من داخل القلب نبدابه
سلام مثل العسل يابيه = حالي على فم جلابه
عبد العزيز الزويهري =
يا مرحبا و مرحبا نبديه = للي لنا ارسل كتابه
على النقا و الصفا نوفيه = لو تحسبه يفوق في حسابه
فواز الزويهري=
لي قلب في داخلي يغريه = الصوت والرسم يكوابه
لكنه أغلق على ماضيه = والود ماعاد يحلابه
عبد العزيز الزويهري =
الود منه ذكر طاريه = يفقد منه جملة أعصابه
يبقى فؤاده و لا يكفيه = تلقاه واقف على بابه
فواز الزويهري=
كل ماذكره فالحقيقه ارثيه =ما مات يرزق مع أترابه
ياليته الموت كان أنعيه = متلبس الكبر وأسبابه
عبد العزيز الزويهري =
الود يا صاحبي نوحيه = و مثلك سياسي مع احبابه
لا تقول من حسبتي بألغيه = و القلب لازال يشقابه
فواز الزويهري=
كل السياسات ماترضيه = الطيب والعنف رحنابه
و(الفيتو) رده بما يعنيه = وما ودنا نخرب اترابه
عبد العزيز الزويهري =
لا تندفع له و لا تلويه = و تطيح في بلوة أنشابه
من لا يقديك لا تقديه = بكرة المقابيل غلابة
فواز الزويهري =
اللي أوده .. نظر ماعميه =كيف أبري الشوف واهنابه ؟
لوكان يدي تبا تجفيه = أنا أقطع اليد واحيابه
عبد العزيز الزويهري =
هيا استمع مننا التنويه= لا تترك الروح منصابة
أما الصفا يتبعه و يمشيه = و الا احرق الود في ثيابه