فهدعواضة=
قالو بقابل طويل اشبـار=وشعيل ماتلحقـه ريبـه
الصدق عند العنى صبار=حمال حملن يزوزيبـه
قابل=
مثلك كفو ماعليه غبار=دايم في خدمة معازيبه
شيال مايبدي الاعـذار=مهما الحمل زاد يمشيبه
فهدعواضة=
جتني وصات من البيطار=ومن قبل بالعلم تحريبـه
والنعم ياحر نسل حـرار=لو باطن العلـم تدريبـه
قابل=
بالله لاتطـول المـشـوار=والعلم لاعـاد تبطـي بـه
وان كان هرجك بدون اثمار=خذلك عن الـدرب تجنيبـه
فهدعواضة=
ماهي بكيفك لجل تختار=اللي معه علـم يبديبـه
الله يعينك تصال النـار=الحر شاهـر مخاليبـه
قابل=
الله يابعض العلوم كبـار=ومثلك صغير توهي بـه
واللي رصيده من الاصفار=ماحد ن يحسب محاسيبـه
فهدعواضة=
ماتدري ان اللغم بك ثار=زارعه من شان تاطيبه
ياصاحبي عاود الانضار=والكـل يتفقـد ذهيبـه
قابل=
مثلك يصافق يمين يسار=والعقل يخطيه ويصيبـه
مجنون لازم يروح شهار=ووسط المجانين نرمي به