ياذا الجلال اللي لـه الخلـق ركـاع= يامن بحكمـه لالـح بـرق الخيـالا
ياخالقـن سبعـن علياتـن رفـاع = وسبعن بسطهن في وسيع السهـالا
يارب ضاقتبـي وسيعـات الاريـاع = والهم مـن بيـن الصناديـق جـالا
واللي صطابي لحظة المـوت نـزاع = ليـا ذكرتـه حـل بأمـر الـجـلالا
ليـا نصانـي ثـم ثقلـن الاسمـاع = وشفت الملك من بين ناسـن ذهـالا
وناظرت باصحابي بوقـت التـوداع = والكل مـن حولـي دموعـه تتـالا
وصكوا عليه ثـم قالـو بالاجمـاع = هـذا القـدر ماباليديـن احتـيـالا
وعقب الشهاده حل بالربـع مـاراع = في ساعتـن مافـاد فيهـا الحـلالا
وصلوا عليه بعد علم الخبـر شـاع = ثم ادفنونـي وسـط قبـرن هيـالا
وعني تنحوا واكثـر الربـع منـلاع = ثم ضمني قبـري وشفـت الهـوالا
وتخالفن من ضمته حدب الاضـلاع = ضلعن يروح يميـن واخـر شمـالا
وجاني حسابي شيب عيني هكا الساع = يـارب ثبتنـي بـوقـت الـسـوالا
يارب عبدك في هوى انفس منصـاع = كثرت عليه اذنـوب نفسـن اثقـالا
يـارب عبـدك واتضـرع اتضـراع = اغفـر ذنوبـي دقـهـا والـجـلالا
ليا بعثت الخلـق ثـم زلـزل القـاع = وصاروا عبادك تحـت عرشـك ذلالا