واقلبي اللي زمانـه قـام يسعالـه= وبأحراج وأزعاج وهموم يشايلهـا
الوقت ضامه وهمـه قـام يبرالـه =ومليت لياليه مدري كيـف أعدلهـا
للهجس بين الظلوع أقفاي وقبالـه =وروابع القلب تـالِ الليـل أكايلهـا
وأسبابها أللي يحس الناس بقوالـه = وأن قال كلمـه تحسـك مايكملهـا
ومن لاعرف مخرجه قـدام مدخالـه = لابد نفسه تشـوف أللـي يزعلهـا
قد قالوا الناس كلن تعـرف أفعالـه = ومشيم النفس يأهل العرف ناقلهـا
وجهت شكواي للـي مـن تشكالـه = يبهج ويرتاح فـي حـزة صمايلهـا
أللي تعلى علـى الغاليـن منزالـه = معزتـه عاليـه ماأحـدن يعادلهـا
عنـدي وكلـن بشوفاتـه يورالـه = والفـرق بلـي تبينهـا دلايلـهـا
زامل عزى أللي همومه ضيقن باله= من عند مشكاي قاصرهـاوطايلهـا
أمشي براي وأطيع أمره ومرسالـه= والكلمـه اللـي يبيهـا منفّولـهـا
من قال خله تركة النذل فـي فالـه = وأن قال حـده نبـي والله محثلهـا
وقت اللزز للمهـار أرجـال خيّالـه =ولهـا رياجيـل لشتبـت فتايلهـا
واللي يشوف الرها والزود بحبالـه = والله لخليه يشكـي مـن ملايلهـا
وأن كان ركّب أرشـاه ودار محّالـه = عيب على اللي لأبو وجهين يجْلهـا
والله لبيـح ســدوده وتقصـالـه = وحـط فيهـا عـقـود مـايـحللها
أليا شان نطق اللغاء مشروب فنجاله = وده يــزود بـهـا ولا يــقللها
وكلن على مايقـول يحـط معدالـه = عسى المعاديل تفداء اللي يحصلهـا

حي الكلام الجزيـل وحـي مـن قالـه = ترحيبـةٍ صـادقـه مـانـي مثلـهـا
من قدّم الطيـب بالمجهـود يصخالـه = وصالح به النفس مدري وش يجملهـا
رفيقي اللـي تنومـس رفقـة أمثالـه = صداقتـه مـا مجـال الشـك داخلهـا
وافي وراع الوفاء ممشـاه يمشـى لـه = ولرضـاه كـل المساعـي لازم أبذلهـا
ماأذخر عن اللي عليه سده ابـدى لـه = بمثايـل مـن زلال الشعـر ناهلـهـا
يشكى بهن من هموم الوقـت وأهوالـه = ونـاس تبيـن هــروجٍ ماتفصلـهـا
عوج تعكر مـزاج اللـي توحـى لـه = لوجابها عـن طريقـة مـزح قايلهـا
الرجل عقلـه دليلـه دون يحكـى لـه = ماكـل كـفٍ تقـدم لــه يسابلـهـا
يقول دايـم وأنـا الشـر أتصـدى لـه = لكن حيـا يـوم بعـض أمـرار أزللها
ماأبغى الردى مير بعض الناس تسعى له = عطني من أرياك قبل الفـوت صاملهـا
وأقول أنا اللي يغيضك ما تغاضـى لـه = واقـف بصفـك بعادلـهـا ومايلـهـا
لا تطلب الراي سو اللـي يتـورى لـه = مادام لك شـف مـن عنـدك مفضلهـا
وتبغاني أنصى الهدف ولا تخطرى لـه = حتى أني أدري القذيفـه ويـن أوهلهـا
إن كان يسوى المعانـد مقـدّم القالـه = رسم لي الخارطـه تفصيـل وأزهلهـا
واللي بروحـه علـى الـزوده مهيالـه = لومك على اللـي حصونـه مايزلزلهـا
من لاضمن مكسبه لحق الطمـع مالـه = من لاعـرف قيمتـه نفسـه يمشكلهـا
الدرب قدْم الرهـاوي والله امـدى لـه = يحضر جهـوده وخيـر البـر عاجلهـا
ومن لادرى خاطري مـا والله ادرى لـه = اخصامنـا مــا تعـودنـا نحايلـهـا
كلن بمـا قدمـت يمنـاه نجـزى لـه = من طيـب ولا ردى بأضعـاف ندبلهـا
وأن كان خصم ياأبو رائـد كنفنـا لـه = تشـوف مـا سلتـك لسيـف محملهـا
خلـه ولا كـل رجـل الشـر يعبـالـه = مهمـا تبلـواك عنهـا النفـس جللها
أفضـل تجاهـل كلامـه ماتلقـى لـه = أن مارفـع قيمتـك مـا هـو منزلهـا
الظلع مثلك يضيـع الطـق فـي جالـه = ما أنت هيالن تجي مـع مـن يهايلهـا
ماينتواخـذ ضعيـف العقـل بأعمالـه = ولارد نفسـي لهرجـه دون يزملـهـا
قاصر ولا في مقاصـى قاصـرٍ طالـه = حنـا نعـرف الرجـال اللـي نقابلهـا
ليا ولعـت واعتـزى العاقـل بجهالـه = نـارٍ نطفـي سنـاه ونـارٍ نشعلـهـا
أن صـار بالحبـل نقاضـه وفتـالـه = صعـب الطواريـق ننقضهـا ونفتلهـا
علمن ليا جاء علـوم الجـد يصغالـه= ليا من بعض العرب ضاعـت مراجلهـا
وقت الرخاء هم سباع الوقت وابطالـه = لكـن عنـد اللقـاء حسبـت حلايلهـا
والمسكنـه يامنـزح كــل عيـالـه = خيـر خسرانـهـا مـمـا تجادلـهـا
ومن زاد منهم وراء حده قصـر نالـه = وأن قصروها قصرناهـا علـى أولهـا