المشاركة الأصلية كتبت بواسطة خالد الحصني

زينت الاخلاق ما زانت علاقاتي = الناس معيه مخربةٍ علاقتها
مدري طموح العرب في حكمها ذاتي = والا كذا طبعها وهذي حقيقتها
يا هاجس الغيد يا فارس طموحاتي = النفس حب اللحى ماهو بخلقتها
رح كسر الصمت ضاق الصبر بسكاتي =خل الخلايا تفجر كل طاقتها
ماني مخالف تقاليدي وعاداتي = لو البشر خالفت من قو فاقتها
بوجيه كل اقرنايه لوحة امراتي = اقرا تعابيرها ياشفت حرقتها
الشمس غربال ابو غربال لو ياتي = تندى جبينه وهو جالس بشرقتها
على مجم الرهى ماقول ساداتي = الرجل تاطى على الصعبه بطرقتها
ون هبت الغرب وجا صلف الهوا عاتي = الثانيه تمسك الاولى بساقتها
يا تاركين المجال لناسٍ احفاتي =طباخة الفوس تكرم في سليقتها
الواجهه شوهوها بالتنهاتي = والسايبه علمت وشلون سرقتها
يوم الغضنفر ما يسمع سمعه اصواتي =تطلقة شلة (000)وطقتها
تسرح وتمرح وترقص للطويلاتي = ويا قادٍ الوضح جتك تسوق ناقتها
ذا واقع الحال ماهو قول شماتي = هاذي سوايا القصار وذي طريقتها
عندي دلايل على التشخيص واثباتي = وعلاجها باالقزاز افصد شقيقتها
حتى الكواكب تشاف بكل الاوقاتي = والمنجم يدرك الوجهه برفقتها
قول الحقيقه تسبب في معاداتي = لكنها حبةٍ جا وقت فلقتها
ورمت وكبرت وقلنا الوقت مافاتي = واهل الحماقه مواصلتٍ حماقتها
ويوم انها صلعت ناديت ضفراتي = ولحقت عليها مياسيمي وعرقتها