محمد الردادي
مرت علينا شهور عجـاف=الشعـر مايكتبـه شـاعـر
مدري من الشعر صار يخاف=ولا العـرب مالهـا خاطـر
بخيتان البشري
وايقت من عالي المشراف=واصبحت في وضعنا حاير
ولقيت من يحمي الميقـاف=شـروى محمـد وبـه خـابـر
محمد الردادي
عزالله الحق والأنصاف=واضح للعيان والناضر
مغير حضرتك ماينشاف=عساك للمنتدى عامـر
بخيتان البشري
الـــود ودي اشــــوف الآف=واشوف ملـح الحكـي دايـر
حتى المعاني تجيك اصناف=يرتـاح مـن شوفهـا الـزايـر
محمد الردادي
هذا طموحك مافيه اخلاف=لكن مافيه احـد حاضـر
خلاص يعني الشعر ينعاف=دام البشر كلهـا تكابـر
بخيتان البشري
يا محمد الصيرفي صراف=وقـال المـثـل لازم تسـايـر
الشعر متذوقـه مـا يخـاف=على الشعـر دامـك امثابـر
محمد الردادي
صحيح نلعب على الأطراف=لعبت مهاجم وهـو عابـر
ماهو مثل ماسك المجداف=اللي مع الموج ومخاطـر
بخيتان البشري
دام انتمركزنجيب اهداف=بالـهـد والا عـلـى الطـايـر
المشكلة لو حصل إيقـاف=او طـرد فيـه الحكـم جايـر
محمد الردادي
تدري نسوي لنا احلاف=نهاجم اللي يجي ثايـر
حتى يصيبه هنا خفخاف=ويحنار مايقدر يعايـر
بخيتان البشري
اثنيننا فاللياقـة خفـاف=والكل فالمستوى جاير
فريقنا كامل الأوصاف=من قابله يرجع يخايـر