ياصـحـابـنـا يــاهــل الـكـســره=يالله نـبـيــكــم بـكـلــمــة راس
الـحــب قـالــوا مـــن الـنـظـره=صـحـيـح ولا ســوالــف نــــاس

لاهل الهوى بينهم نبره =لاجل الهواوي رهيف احساس
نظره وتبقى معه حسره= من بعدها يعاني الهوجاس

يامـحـمـد الـحــب لــــه ســــرّه=طـاغــي ولـــه جـنــدو حــــراس
مـاهــي عـظــه خـوذهــا عــبــره=مقـولـتـك يـارفـيــع الــســاس

بالله قلي ويش الدبره = الحب يعني بدون اجراس
كلامك الزين من خبره =ولاسمعته من الجلاس

نكتب لكم من الم حسره = باسباب ريم الفلا المياس
عذبني الزين في هجره = المر ذقته بدون قياس

قياس الدوا خط في الإبرة=يفصل ما بين الشفا والباس
وبعض النظر تعقبه جمرة=والقلب معها كما القرطاس

رايك نعزه وله قدره=مثل الذهب لانخلط بالماس
ومن ماسك الجمر والتمره=اكيد ماهو كما الجساس

يعني الهوى مايجي فطره=موجب وسالب وسلك نحاس
ودروب ممشاه هي خطره=صعبه وترهق لنا الأنفاس