في حفلة اهل الكرم والعز اقول السلام = سلام معروف قدره واضحن منزله
والثانيه يالمزيني جعل حالك تمــــــام =ناصريلد النظر قدام لا لاولــــــــــــه
يامرحبا ياهلا ترحيب مابه كلام = لاصار عندك عمل لاغــــــــــــــــد لا تجله
عيد المــــــزيني بخير ولا يجيه الملام = ياناصـــــــــر اعرف كــــلامه وافهم الاسئله
الله يديم الامــن باالمملكه كل عام = والصقر يشويه يبن سمـــــــــــير من يجهله
احدن يريد الجمل وحدن نظر لاسنام = وكلن بدرب الحياء يبغى يسوق اجمله
ان كان به عالمن مايفهمون النظام= اشهار مفتوح يالرجال لمهبله
انته جمل للحمل لو منته هديب شام= وانا لاجيت الجمل ملزمن احمله
من لمنا ياولد يبا يجيه الملام = اشهـــــــــار مفتوح والليله تبى تدخله
حنا نعرف الصقر ونعرف طير الحمام= واللي يختل العرب جينا نبا نختله
الظاهر انك تدور للمشاكل شمام = ارماحنا امسننه وسيوفنا مصقله
قدام يبكن عليك معلاقات الزمام = لاتقرب الكهربه وتثور القبلـــــــه
ياعيـد ياعيــد شوف الطير بالجو حام= والحر الاشقر نشوفه طاح بالمحبله
المحترم قالوانه يفرض الاحترام = ياعيد لاوالله الا كبرت المشكـــــــــله
لاعل دارك يسقيها حقوق الغمام = كله على شان قدرك والـغـــلا والوله
ياخف وزن القطن ياثقل وزن الجرام = الظاهر انك شوي اتجيبها مطبله
اي والله اني حشيم ومن رجالن حشام = ارتاح ياعيد قدم اربطك بالسلسله
ياعيد هد الدعواي لا علي الحرام = لضحك عليك العرب وانزلك منزله