خالد بن عبيـد الاحمـدي =
ازكى التحيـات مطبوعـه = من القلب عبر بها لسانـي
وانعـم سالـم وفربوعـه = الف وانعم سـر وعلانـي
سـالــم الـبـشــري =
بازهى الأزاهير مجموعـه = ترحيب سالـم والاخوانـي
لك رايـة العـز مرفوعـه = ياراعي الطيـب شيهانـي
خالد بن عبيـد الاحمـدي =
مـدام كلمتـك مسموعـه = رجـال مافيـك نقصانـي
نطلب إفـادات مشروعـه = لاجـاك علمـي وبرهانـي
سـالــم الـبـشــري =
بنرقب الحـرف وطلوعـه = حتى نشوفـه بالاعيانـي
وياتيك قولـي ومنفوعـه = مرسوم فـوري ومجانـي
خالد بن عبيـد الاحمـدي =
اللي معي حـل مقطوعـه = وفلعبتـه دوم خسـرانـي
والقلب لن خان بضلوعـه = يصيـر بالوقـت حيرانـي
سـالــم الـبـشــري =
غلطات الانسان مرجوعـه = ومن دوّر الحـق ماهانـي
وان صادف ألغام مزروعه = العقـل زينـه للانسانـي
خالد بن عبيـد الاحمـدي =
مهما الصبر جف ينبوعـه = مصخي بربعـي وخلانـي
ونفسي عن الجور ممنوعه = لو جور الاحبـاب عنانـي
سـالــم الـبـشــري =
الحـر مايغيـر طبـوعـه = وشرواك وافـي وحقانـي
ومن يجمع الصف مايروعه = لاالجـور هـذا ولاالثانـي
خالد بن عبيـد الاحمـدي =
من زود همه ومن جوعـه = يقنب على الناس سرحاني
ورسوم الأشواق مدفوعـه = والله يجـازي بالاحسانـي
سـالــم الـبـشــري =
مايأثر الصـوت فجموعـه = ولايظل سرحان وحدانـي
والشوق لاتطفي شموعـه = والخير راعيـه كسبانـي
خالد بن عبيـد الاحمـدي =
الله مع اللي مشى بطوعـه = يسكنه فقصـور وجنانـي
واللي عصى ينثر الدموعه = في يوم مافيـه شفعانـي
سـالــم الـبـشــري =
في غيبة النور وسطوعـه = ادعـي لـه الله يافلانـي
والوقت يومه مع اسبوعه = يمسح همومك والاحزانـي