لاتشتكي غيرك ليابحت سرك=باب فتحته لاتحاول تغطيه
مدام عيا يكتم السر صدرك= مالك على راع الوداعه مشاريه
انت السبب لاتلوم غيرك بشرك= اجن الثمريازارع الزرع بيديه
شيء يريبك تعرف انه يضرك=اقطع احباله واسترح من بلاويه
ريح ضميرك وابتغي ما يسرك=وعليك بالطيب تعرفه بطاريه
ذكر الرجال الطيبه مايغرك=البدرضوءه بالدجى نقتدي فيه
واحفظ لسانك قيّده لايجرك=للمنطق اللي قبل ماكنت ناويه
كثرالكلام اهيام بالصمت ابرك=وياكثرمايندم على الهرج راعيه
والحلم ياراعيه لله درك=اخذت ماكان النبي يتصف فيه
=عيسى الحربي

عيسى بدع قاف ٍ عن اللـي تـدرك = في غبة افشاء السد قلت محاظيـه
يقول ياللي بحـت سـدك بهـذرك = لا تشتكي وانت السبب يوم تفشيـه
وش فاد من بالجمع قـام ايتعـرك = عقب انكشف سده وبانت خوافيـه
وانا على ما قـال فكـري تحـرك = لاشك ما لي مقصد ٍ غيـر اجاريـه
يا سد مـا ودعتـك اللـي يخـرك = ودعتك اللي في قضاء الشأن ناصيه
ويا زرار سدي يـوم بالغيـظ ازرك = ارجي نواله مـن كريـم ٍ نراجيـه
اشعيل ما حسه نمـل لـو تفـرك = حـزه عقـال ٍ مبهمـات مثانيـه
يا طيـر ياللـي بالطويلـة مقـرك = مانتب من اللي مقعد الـذل مهفيـه
الهاجس اللي لا سرا الليـل مـرك = خلـه يهيـد ولا تبعـد مشاحيـه
=سليمان المطرودي..