|
|
ايه جينا بدونه ...
غصب مو بالكيف يادارنا ...
غصب علينا رحل وغصب علينا التوديع ...
؛
؛
؛
تدري أخر اللي صار شنو ..
دمعتين بللة لحية غزاها الشيب ...
تسري من محجر عيون شايبٍ ذاق الضيم ...
وأسقت الخد من ماها ...
؛
؛
؛
ثم بسمةٍ ... ثم رفع كفه وقال :
لا أوصيكم على الداري داري وداركم ...
ولسانٍ نطق الشهادة بثقل ...
وارخى كفه ...
ونامت عيون الشايب ...
؛
؛
؛
تدري أذكر أخوي قال كلمة يومها ماعرفتها ...
[ الله يرحمه جنة الخلد ياعقيد القوم ] ...
يومها رحت أسأل القلب الحنون ...
هو [ جدي ] وين راح وليه نام ؟؟؟
وليه غطوا الجسم والوجه !!!
وليه ...
أمي تبكي ... وليه خالي حزين...
وينها ضحكته ووينها بسماته ...
والناس ليه مجتمعه ...
أعرفهم!!
لا ما أعرفهم!!
ناس من بعيد ومن قريب ...
ناس تبكي ...
وناس الحزن كاسيها ...
[ يبه ] مالي غيرك جاوبي ...
هو وش اللي صار ...
وأخوي ليه عن الناس يبعدني ...
وليه ضمني بقوة وفجأة بعدني ولك وداني ...
تدري [يبه]
بكرة بقول لجدي من يصحى من نومه ...
يوديني معه [ المزرعه ] ...
[يبه] وش فيك رد علي وش فيك حزين ؟؟؟
يبه أمي وينها ؟؟؟
حاسه اني محتاجة لها !!!
[يبه] هم ليه مايخلوني اروح لأمي ...
تكفى [يبه] ودني لها والله ماأزعجها ... ولا أصحي أختي الصغيره ...
[يبه] هو الناس ليه يقولون [ الله يرحمه ] ...
وليش الناس تجينا ...
[ يبه ] وش فيك ساكت رد علي [يبه] ...
تدري [يبه] أنا ما أحبك زعلانه منك ... لا عاد تكلمني ...
؛
؛
؛
لحظه [يبه] بكرة تقولي ياغلاي أبي كاسة ماء ...
ماراح أطيعك ... تدري ليش ...
أنا من أول أقول ودني لأمي وقل لي وش صار !!!
وإنت ساكت ...
ماعاد أبي أعرف بروح لخالي يمكن يجاوبني ...
؛
؛
؛
خالي ... هو جدي وراه نام بدري ؟؟؟
وليه الدار كلها صوت بكى ؟؟؟
وليه أبوي ساكت مايرد علي ؟؟؟
خالي هو أنت ليش تبكي ... عشان جدي امس زعل منك صح ...
لا تخاف أنا بكرة أقول له لا تزعل من خالي ...
تدري خالي تعبانه ودي أروح لأمي ...
هم ليه أخذوها وعني بعدوها وين أخوي ماعاد شفته ...
يووووووووووووووه ياخالي ... رد مابيك تسكت مثل أبوي ...
؛
؛
؛
ماااااااات ياغلا جدك وروحه ...
وش مات ياخالي ...
مات يعني راح لربه ...
ايه صح عرفت يعني بالسماء ...
ايه اصلا اللي يروح السماء يروح الجنة صح خالي ...
ايه ياقلب خالك ...
طيب متى نروح احنا بعد السماء ...
رجعت تسكت تكفى ياخالي لا تسكت ...
؛
؛
؛
تدرين يالدار ...
خالي يقول انه مات عقيد القوم ...
لا تحزنين بكرة كلنا نروح السماء ونشوفه بالجنة ...
تدرين يادار ... ترى هو دايم يقول مااحب البنت تبكي ...
عشان كذا ماراح أبكي ...
؛
؛
؛
لا أدري لربما جانبت خطى خاطرتكَ ماهر ...
|