السلام عليكم ورحمة الله وبركاته
أسعد الله أوقاتكم
وفيما يلي حداية الهجال من مطير بقيادة الشاعر/ إبراهيم بن حمدي بن مريضي وغيره ، على المخاليف في زواج الأخ/ مقرن بن مرزوق المصدري، يوم أمس الاثنين الموافق 18/7/1429هـ:
سلام ردة يا حددانا اللي لهم حشمة وقيمة
جينا نكملكم على الواجب بعد جتنا العزيمة
من طبعنا نمشي على حسب السلوم المستقيمة
راع الكمول نكمله في ليل والا في نهار
والثانية يا اهل المعرفة والعقول اللي حكيمة
وش ها الزمان اللي يحط النصر في ثوب الهزيمة
قصة جديدة نسخة أصلية من أمثالن قديمة
يا غافل الدنيا وراك الموت قصاف العمار
وقد شارك في الرد عليها الشعراء المخضرمون والشباب فمن المخضرمين: الشاعر الكبير متعب بن خلف القرص، والشاعر الكبير: جبيِّر بن حمود الوصيِّف، ومن الشباب: سلمان بن لويفي، وعبيدالله بن لويفي، وغيرهم، وهذا هو الرد:
يا مرحبا في مرحبا ترحيب والنية سليمة
الله يحييكم بعد جيتم وملفاكم غنيمة
الطبع واحد والكرم لاهل الوجيه اللي كريمة
راع الوفا يستاهله والحر في وقع الحرار
والثانية تبشر بعلم المعرفة ما عندنا نية عديمة
حنا بخير ولا لحقنا شي من هاذي الظليمة
وهرجن بلا برهان مثل السيل يعقب له بديمة
والغافل اللي في حياته ما ذكر جنة ونار
أدام الله الأفراح، وللجميع التحية