هاضت هجوس الشاعر اللي ليلته بردن شديد=وتعكـرت لجـواء لاهبـت هبـوب اشمالهـا
واقسى من البرد الشديد وصخرة ٍ فيها جليـد=غير الهموم اللـي بقلبـي ركـزت منزالهـا
ياليتني ميـت مـع أيـام الصحابـه والعبيـد=ولا اعيش في دنيا الدناءه وانحنـي وابرالهـا
دنيا يشاب بها الشويب قبل لايشيـب الوليـد=وفيها نشوف من المصايـب دقهـا وجلالهـا
تضرب علي إليا تذكرت النبأ ضـرب الحديـد=وإليا بغيـت اسـج عنهـا حالتـي يرثالهـا
أحاول انسى مامضى والنفس ترجع من جديـد=مالومهـا يـوم التحـول والتكـرر جالـهـا
ياصاحبي يانصرة المضيـوم يالقـرم الشريـد=ياللـي تميـز فالرجـال الوانهـا واشكالهـا
حنا بزمانن يجمع المقرود مـع راس الفريـد=صارت مقاريد الزمان تعيش جنـب ابطالهـا
واللي عطاه الله رصيد وقام يفخـر بالرصيـد=زادت معاريفـه وكـره فالعـبـاد اموالـهـا
المال يغني عن سلومك واسمع العلـم الاكيـد=ناسـن تحطـه ياولـد بالوقـت ذا موالـهـا
حتى الصحيب اللي حسبته سيف بالشده جويد=كل الحمول اللـي ابركتلـه ماقـدر يشتالهـا
لاصرت تبخص في رفيقك هو يفيد أولا يفيـد=جرب غيابـه ياوسيـع المعرفـه واحوالهـا
أما طلع فيهـا فقيـد وغيبتـه غيبـة فقيـد=ولا بـلاش الخـوه اللـي مـن وراه تنالهـا
الادمي فـي دنيتـه يامـا شقـي ولا سعيـد=كلـن كتبلـه ربنـا سـر الحيـاه ومالـهـا
مثل الدم اللي داخل الشريان يجـري فالوريـد=أمـا مشـى ولا تعطـل كبدتـه وطحالـهـا
واليوم نظـره للقريـب ونظـرةٍ يـم البعيـد=مدالنظر يم الـدروب وقيـس طـول اميالهـا
شفنا الولد ماله ابو ولا الاخو مالـه عضيـد=وشفنا الحريم اللي تغّيب من وراهـا رجالهـا
لوكل خيالـن سبـوق وكـل قناصـن يصيـد=ماكـان سمـو بالعـرب قناصهـا خيالـهـا
بالضبـط لـوّن الرسايـل كلبوهـا فالبـريـد=عرف الطويله والقصيره من جهـة مرسالهـا
ميزت مابين العرب هذا رخيـص وذا زهيـد=واللي جهل بأامر الحياه يعيـش مـع جهالهـا
ون صار مالك راي لامنه طلع رايـن سديـد=ترا السكوت ابرك من الهرجه بـدون افعالهـا
ياذيب جر الصوت فوق الارض وافتك الهجيد=ولا تفكر إلا كيف تطلع فـوق روس جبالهـا
خل الكلاب اللي انبحت بالصوت ياصلها الوعيد=لـون مـن دم الكـلاب ذيابـتـن بلحالـهـا
صارت متى !وشلون !كيف !الله يدبر مايريـد=عرقن خلقـه الله وحـط رخومهـا برجالهـا
الله بلاهـم فالـبـلاده والـبـلاده فالبلـيـد=لـولاك يادمـن جمعنـا كـان مـت اقبالهـا
كانو مثل راسين في عقده و لاكـن دون قيـد=واليـوم روح كـل راس ومـن بـلا حلالهـا
ماودي اذكر بالقصيده سيـره المجـد التليـد=ابعد عن الفتنـه واقـول الله يصلـح حالهـا
مالله خلقني للعـرب فتـان شيطـان ٍ مكيـد=رغم اختلاف افعالها عـن ماتقـول اقوالهـا
الارض لو يكثر بلاها كـان عزمـت الشديـد=ميـر المعـزه والمـوده تجتـمـع بعيالـهـا
ودام انتهيت بلعبة القيفـان وبيـوت القصيـد=صلو على محمد رسول الامـه اللـي جالهـا