لـوحـة الشـرف للمشـاركين في هـذا الموضـوع=مع شـكر وتقدير الشاعر الفتى00
*!*!*!*!*!*!*!*!*!*!*=*!*!*!*!*!*!*!*!*!*!*!*
سم باسم الله وادخل لاتخاف من المحاور=لاتخاف من الشعر هذا شعورك واختلاجه
كل من عبَّربمعنى وزنها ينقـال شاعـر=المهم إحفظ لسانك وأصلحه عن اعوجاجه
=============================
قلت بسم الله وسمع صوتنا فوق المنابر=مايخاف الشعر واحد مقصده فلة حجاجه
حسب ماقالو لنا في الشعرذا تفسيح خاطر=ومن يدورللمعالي جابها مافيه حاجه
الله اكبر والله اكبر والله اكبـر ويـش خابـر=لاحديـث الترمـذي ولا احاديـث ابـن مـاجـه
يافتى فكرة جديدة والهدف نبض المشاعـر=والشعر معنى ومغنى وابتعاد عن السماجه
شايف الدنيا تغير كن مافيهـا ضمايـر=البحر مرجوج موجه موجته فيها لجاجه
الله اللي قد خلقنا ومايشاء لابد صايـر=لو توكلنا على الله كان عطانا كل حاجه
للشِّعِر و اهل الشِّعِر تفتح دواوين و معابـر=لين كلّ(ن) يصرف رياله حسب بصمة مزاجه
الشِّعر بعض العرب وارثه من كابـر لكابـر=وبعضهم جاه الشِّعِر طايع مطيع و لبس تاجه
ياهنـي اللـي عـلـى طـاعـة عظـيـم الـقـدر ثـابـر=ومن يطيع الله عرف عن ضيقة الصدر انفراجه
ياجماعـة خيـر قـبـل ان صـيـر ببـطـون المقـابـر=كــل ذو عقـلـن حكـيـم يـعـرف بالممـشـا خـراجـه
سم بالرحمن وان ضيعت بالـك لاتكـا بـر=المكابر شين لاصار ان بنيك من زجاجـه
لو يورا لك بشبـرك لاتمـده للمشابـر=ون بلوك الناس خلك ذيب لاجيت المواجه
الرجال اهل الفعايل حسب ماقالو مخابر=والغشـيم اللي مايعرف هرجته دايم سماجه
ومن يدور للخبر يلقاه لو مع طير طاير=والمريض لزوم نسعي لين نلقي له علاجه
و كل شي بدبـرة الخالـق، و دورات الدوايـر=علمتنـا ان بعـد الليـل للـنـور انبـلاجـه
و من بغى يدخل غزير الرمل يفطـن للتوايـر=و ان هلش بالرمل فوت الحرص قام ومد صاجه
*******************=********************
مايقال للشاعر شاعر الا لا جاب النوادر=بعض العرب قصايدهم كلها خبث وسماجه
وانتم والله ياهل الملتقـى كلكـم اكابـر=مافيكم اللي يرضى على نفسه الانعواجه
***********************=*********************
ارجعوا لله وتوبوا من الِّربا وكـل الكبايـر=مرت سنيـن ولا جانـا مطـر إلاَّ عجاجـه
يارحيـم يامغيـث ياعلـيـم بالسـرايـر=طالبينك غيث (ن) خيره عام في كل الفجاجه
***********************=*********************
العرب قالوا تري راع الغنم في الوقت صابر=صابر لحكم الله الواحد ولو راحت نعاجه
يرقب امزون المخايل واجبر الخاطر ياجابر=حيث لاطاح المطر تسمع لفرحتهم لجاجه
**********************=*********************
شاعري ما يكسر بيوته و لا يجرح مشاعر=و القوافي ما تكرر و الشعر نبض(ن) يواجه
الشعر معنى، و طاروق، و تعابير، و محابر=الشعر مهوب صف حروف و مطارد عَجاجَه
**********************=*********************
يا جعل مدور الفتنـه بيـن العـرب للخناجـر=واللـي يطفيهـا ياجـعـل مايطفـالـه سـراجـه
الافكار خافيه بالـراس وتظهرهـا الحناجـر=ومن كلام الشخص تعرف مسلكه ومنهاجه
**********************=*********************
للأسف بعض العرب يحتاج توظيب الشنابـر=و المريب يقول: خوذوني، و يظهر من قراجه
بعضهم ماله و ما للشِّعْر، ما للكسـر جابـر=ليته يعدّل بيوتـه قبـل لا يبـدي انزعاجـه
؟!؟!؟!؟!؟!؟!؟!؟!؟!؟!؟!=؟!؟!؟!؟!؟!؟!؟!؟!؟!؟!؟!؟