|
|
مصافحة أولى (( الذكرى وداعة )
السلام عليكم ورحمة الله وبركاته اعزائي اعضاء ملتقى حرب يشرفني التواجد بين ابناء الجسد الواحد قبيلة حرب
وهذه مصافحة جديدة أتمنى أن ترتقي لذائقتكم
الذكرى وداعه
جيت اقلك في أمان الله ماجيتك ملبي
00000جيت اسلم ثم اودع عفت حبك واصطناعه
يا رياح الهجر لبي طاوعيني ثم هبي
0000000واقتلي بالقلب حبٍ بعد خلعه وأنتزاعه
ما أهين النفس لأجلك لو خسرتك لا وربي
00000000القناعه كنز غالي لا تناسين القناعه
ماهو من الطيب نسلي لا ولا من صلب حربي
000000لو أطيع اللي تبين لي غروره من طباعه
سامحيني لو جرحتك في شعورك كيف اخبي
000000الصراحه من طبوعي ماتمرست اللكاعه
يمكن الحظ اللعين اللي رما حبك في دربي
000000والتقينا وسط مركب بالبحر خانه شراعه
ماغدربك موج بحر الحب لكنه غدربي
000طاح مجداف الأمل من جور موجه وسط قاعه
أدري إن الفعل فعلي وأدري إن الذنب ذنبي
0000000آآه من قلبٍ غلبني آآه من زود التياعه
خفت من غدر الليالي واثره الغدار جنبي
0000000طعنة بالقلب جتني في خفا شلّة ذراعه
والنهاية ماعصيت العقل أو منيت قلبي
0000000جيت اقلك في أمان الله والذكرى وداعه
عبدالملك الرحيلي
|