السلام عليكم ورحمة الله وبركاته
الأخوة الكرام الأفاضل الشعراء
تم لقاء اخوي تحت ضياء البدر مع نسيم الليل الساحر
بين كل من : (
بيان الصمت .... عبد العزيز الزويهري
.... فواز الزويهري .... ماهر أبو خالد ))
وعند الإلتقاء هااااااجم فواز الزويهري
بيان الصمت وماهر أبو خالد بهذه الكسرة
سلام وبعد السلام عتاب = من راي مثل السهم فالسوق
بيان وماهر صحيح أحباب=لكن بعض الليالي طفوق
وجاء الرد من بيان الصمت ( هجمه مرتدة هههه )
ترحيب مادون الكتاب =مثبوت فعلك بلا منطوق
الخل يبدي من الأصحاب= وحين الحقيقه هناك فرق
وهذه الكسرة لعبد العزيز الزويهري وكان الرد ما بيان الصمت
عبد العزيز الزويهري=
بعد اتفقنا سوى فالراي =وش الذي أخلف النيه
أصبحت فالدرب رايح جاي=كن استلامي فدوريه
بيان الصمت=
دام إني ثابت على مبداي=مالي معاذير ملويه
عندي فسجلك علامة فاي =ونبغى المواعيد فورية
بعد ذلك دار هذا اللحن المشترك
بين (
فواز الزويهري وماهر أبو خالد & بيان الصمت و عبد العزيز الزويهري )
فواز الزويهري وماهر أبو خالد=
في ماضي الوقت قلبي كان = يمضي على العين دستوره
واليوم عدت عليه أزمان =حتى أنسجن من سبب جوره
بيان الصمت و عبد العزيز الزويهري=
للوقت مايختلف ميزان=فيه الشهادات منظوره
القلب يحمل كثير أوزان =وبالتالي منها أختلف شوره
فواز الزويهري وماهر أبو خالد=
معلوم قولك وله برهان = من واقع الحال منشوره
كيف البصر يخلف السلطان=اللي من أول علا سوره
بيان الصمت و عبد العزيز الزويهري=
اللي تستر ورى الطغيان =مفضوح بالصوت والصوره
ماكل منهو قرا القرآن =طبق معانيه في سوره
فواز الزويهري وماهر أبو خالد=
قلب المولع كثير احزان =منكور من ناس مغروره
ماتدري إن الهوى طوفان =فيه المقادير مستوره
بيان الصمت و عبد العزيز الزويهري=
اللي انزرع داخل الوجدان =مادام ماهو لمقدوره
محال يجبر عليه انسان=ياقف على حدود محظوره