صقر المقرح=
سلام ينصى هل النوماس=نابع من القلب واحساسي
ياصلك يالصاحب القرناس=ومصدره فكر محتاسـي
فواز الزويهري=
ترحيب وافي لكم كالماس=ولانحـدده لـك بقياسـي
من قلب صافي لكم حساس=مشغول في حالك الآسـي
صقر المقرح=
اللي هويته جويد السـاس=قلبه سوات الصخر قاسي
خلا فؤاد الشقـي منحـاس=فبحر الهوا ما غدا راسي
فواز الزويهري=
البـحـر وده شـديــد الـبــاس=يـلاعـب الـمـوج وسيـاسـي
لابــد تـرسـل لـهـم عـسـاس=يكشف لك الضعف جساسي
صقر المقرح=
أنا فعلم الهوى نبـراس=لكنّه الوضـع منحاسـي
ومن قفّل الباب بالترباس=لاهي ، لقن الهوى ناسي
فواز الزويهري=
علم الهوى ماحتوى للناس=ومحال خطـه فقرطاسـي
ولابد ماينسس النسـاس=ويحرك السلك بالماسـي
صقر المقرح=
أتعبنيَ الفكر والهوجـاس=ومن بعده اصبحت حساسي
أخفي دموعي عن الجُلاّس=من خوف لايعرفوا باسـي
فواز الزويهري=
لاباس ياصاحبي لابـاس=اللي تعانيه من كاسـي
لكن طيفه لبسته لبـاس=وبذكره امشي مع الناسي
صقر المقرح=
من طب بحر الهوى جسّاس=يبحث عن الطيف روّاسـي
ما يجنيَ إلا عوار الـراس=ويطغى على الفكر وسواسي
فواز الزويهري=
الطرف ياصاحبي لك ساس=لجلـه علـى الزيـن حداسـي
لــولاه ماتشـكـي الأنـكــاس=ولمـثـلـك الـيــوم بـنـواسـي
........................