قال فواز=
سلام ونكمله تكميل=والكيل محسوب من كيلك
السوق كاسد بلا تحصيل=من بعد قلبك ثنا حيلك
رد ماهر أبو خالد=
ترحيب ومعطله تعطيل=لا حين نعرف مواويلك
واكمل لك النهج والتجميل=من قرم يعرف ملاعيبك
فواز الزويهري=
عسا صباحك بصفن الخيل=حتى تقرر موازينك
من بعد حللتكم تحليل=قررت اعالج مخاليلك
ماهر أبو خالد =
خلك من الدرس والتعليل=ماني مأيد مطاليبك
وش هي شهادتك قبل القيل=ياخذ معانا مجاريرك
فواز الزويهري=
لابد ... ما تاخذ التحميل =اللي يوازن أقاويلك
عند الضبا تكسب التقليل =وأنا .. رجاي .. فتبديلك
ماهر أبو خالد=
ماذق طبه عليّ ما يحيل =لو يسعد الحال تجريبك
ون كانت ناوي على التطبيل=خذهم نيابه بتطبيلك
فواز الزويهري=
الله وأكبر على التدليل=يامدلل النفس تدليلك
حطك فخانة من التهميل =في وقت مايوم يثني لك
ماهر أبو خالد=
مادام تمشي بنصف الليل=مالي بغمزك وتلوينك
لو كنت جالس مسافة ميل=لاجيت ولاني مناديلك
فواز الزويهري=
لي نور بالعلم والتأصيل=تعاااال حتى ترا بليلك
مرحووووم ياللي بدرب السيل=بنيت بيتك ..عسا يشيلك
ماهر أبو خالد=
لي سهم اصحى عليك يهيل=ويخدم ألمها مطاريدك
ماعندي اليوم بن وهيل=قفلت حتى مظاريفك
فواز الزويهري=
في حصن ساما الجدي وسهيل=عالي عن حروف اباطيلك
خذها نصيحه ولك تعديل=في مقبل الوقت يبدي لك
ماهر أبو خالد=
عارفك تبحث عن التمويل=وتبغى تغذي شرايينك
تزوير حرفك عليه الميل=من قلب يفضح ثماثيلك
فواز الزويهري=
حلال قسمي وأنا الحلحيل=والصيد بالقنْ ولا يريبك
ولاني سواتك بطل تمثيل=ياحيف مذيوع تمثيلك
ماهر أبو خالد =
اعلامنا جاد فالتقويل =وبالزين تعطيه ويعطيلك
ونحفظ لك أمجاد هذا الجيل=بأعلام يسعى لتوطينك