السلام عليكم ورحمة الله وبركاته
الأحبة الكرام من دواعي سروري أن أنقل لكم هذا اللحن
الذي جرى بيني ( فواز الزويهري ) وبين الشاعر ( نمر )
في منتدى روابي الأحامدة
وإليكم ياكرام
فواز الزويهري=
سلام ياهل المعاني تـام=بالطيب والعز من ساسي
والحال وده طبيب اسقام=بيطار والقلب حساسـي
نمر=
حياك يالشاعر الضرغـام=لاتشغل القلـب تحتاسـي
هات السبب واقبل الاحكام=يمكن تلين لـك القاسـي
فواز الزويهري=
عسا البقا وابري الأقـلام=واكتب لنا الوصف بقياسي
ماعاد تصفى لنـا الأيـام=والقلب ملموس بالماسـي
نمر=
الله يجيـرك مــن الالام=ويبعدك عن درب الاتعاسي
عطني سبب غلبكم قـدام=لااصدر الحكم من راسـي
فواز الزويهري=
صابر على ودهم من عـام=حتى غدا المر من كاسـي
كيف العمل والقلوب اخصام=ولابد حلك يجـي سياسـي
نمر=
ان كنت من ودهم منظام=خله يولـي ولا باسـي
وان كان وده عليك الزام=خلك سواة الجبل راسي