سلام يا زويهرى اخوان=اهل الوفا طيب وريـاده
تمشى على القن والاقنان=من عد مـروى لـرواده
حيّا الله اللي حروفـه دان=و ممشاه من عزوة أجداده
ترحيب فيه الوفا عنـوان=ترحيب ما تحصي أعداده
مد التحيه وصل بتقان=يا ضلع يركز على امجاده
وعسى البقا طيلة الازمان=ياهل المواجيب والعاده
مثلك من أهل النقا و الشان=محسوب من جُملة القـاده
ما يختلف في نِباك انسـان=و الـروح بالعـز معتـاده
هيا استمع ايها الربان=بعد المثل زان وانشاده
لاوصل دايم ولا هجران=وصبر المعنا وصل ماده
شاورت فكري على ما كان=و قلّي ارسم حروف نشّاده
حتـى اذا شَكّلـه بألـوان=أبرمـج الفكـر لاعـداده
حرية الفكر والالحان=الها قوانين منقاده
فوصله وهجره لنا حيران=تعبت لاحدد ابعاده
حدّد عياره على الميزان=و لا تترك الحال في زياده
امّا وصل يَبهِج الولهـان=و الاّ هجر يمّحي ميـلاده