ياضيف يادرعي عن الميل والحيف=كم مبغضٍ من حشمتك يحترمني
ياخوي ماصارت أموري على الكيف=عاندت مع وقتٍ عنيد وهزمني
مضى زمان وقلت ما من تخاليف=الحظ في العام الجديد يخدمني
وتقافت الاعوام صيفٍ باثرصيف=لا فاهمن وقتي وهو ما فهمني
اسدد الدينه بدينه وتسليف=ما ابي عميلي بالردا يتهمني
ولا ودي اصبح عرضةٍ للملاقيف=من شاف منهم خملةٍ ما رحمني
لكن ترى ضاقت علي المحاريف=ياضيف قدام الفوات اغتنمني
الفقر نتف لحيتي شر تنتيف=واكيد ينتف شاربي لو لزمني