سؤال و أطلب افاده فيه=سؤال صادر من الأعماق
سؤال حاير لكـم يبديـه=ليه الهوى يتعب العشاق
لجل البصر يحتري طاريه =والقلب زود له الخفاق
جيران وكل(ن)يبا يرضيه=وليا حضر قطعوا الميثاق
هذا الهوى مدرق خافيه=مالك ولايملكه مشتـاق
ضحيته دائمـاً يرجيـه=والأه ماله عنه مدراق
جواب للي سأل نهديـه=جواب من للمحبـه ذاق
درب الهوى لوشكى راعيه=مره يذوفه كما االتريـاق
يا مشتكي حال مـا تقويـه=أثر علـى قلبـك الخفّـاق
حلاوة الـود فـي قاسيـه=و راعي الهوى للتعب ذوّاق
هيا استمع نصنا و أوحيـه=ياللي من الود صدرك ضاق
الود طبعه كـذا يـا بيـه=منه سلك مسلكه مـا راق
يا صاحبي هم لا تهديـه=تلقى اجابه بـلا ميثـاق
تفصيل ما للهوى توجيـه=تأكيد ما في الهوى اشفاق
جواب مني لكـم بمضيـه=لجل الهوى مصدر الأشواق
و الشوق لنه غلب راعيه=يحمّله حمل مـا ينطـاق