فواز الزويهري=
سلام فيه الأدب دستـور=والسير دايم على الأقنان
ياجبارة يالقاضي المشهور=ما غيركم يعدل الميـزان
جبارة العروي=
يامرحبا والوفا مقـرور=والطيب مابيننا عنـوان
هات الذى بالفكر ويدور=وتسمع عليه الحكم لابان
فواز الزويهري=
عسا البقا فالحياه اسـرور=والبيت باقي على السيسان
من قبل نبدا ونشع النور=ماجور في عايد الربـان
جبارة العروي=
شكرا عسى ماتشوف كدور=لعلهـا آخـر الأحــزان
ومادام خصيتنى بالشـور=هات المثل واسمع البرهان
فواز الزويهري=
ويش حكمكم في سليل اصقور=يجعل في طير الغراب احسان
حتى الطبايع بهـا مسـرور=اغراب واسمه صقر شيهـان
جبارة العروي=
مااقدر انكرلك المنكـور=واقول نسل الصقور يدان
حتى لنا تكشف المستور=اللى مخبا عن الأعيـان
فواز الزويهري=
قـن الصداقـه فعرفـه بــور=وحسب المصالح شديـد اركـان
ولا ... زل ...صاحب عليه يجور=دايـم حديثـه ابونـا (كــان )
جبارة العروي=
من واقع القيل والمنشور=اللى جردتـه علـىّ الآن
اللى عرفته عن المذكور=عنده بوزن العقل نقصان
ومادام راعى كبر وغرور=وماله بقن الصداقه شان
هذا من المعرفه مبتـور=وقل العقل آفة الأنسـان
وانته بعرفك رجل مخبور=لك عقل ترجحبه الأوزان
اللى منه لارأيت قصـور=خليه فى عالم النسيـان