قلبي على شاشة التلفاز = و انتم عنه ليه تنهوني
وش هو حصيله على برواز = من دون فاتن و مفتوني

شيطانكم للفرص نهاّز = سهّل لك امجون و اضنوني
يرسل شرارة بمجال الغاز = و القلب بالشوف مرهوني

سلام بالورد لكم يا أخوان = مبداه صافي عسل معسول
مخصوص جينا لكم ذهبان = نبحث لورد الفرح مدلول

يا مرحبا بأعذب الخلان = منا لكم و الغلا موصول
نبدا سوى ننشد الألحان = و الورد يبقى لنا مرسول

عسى البقا و الوفا عنوان = نمشي معاكم على المأمول
للورد منظر يهز أبدان = باحساس خارج عن المعقول

من بادي الوقت و الازمان = الورد له فالنفوس اقبول
لكن من اللي نشوفه الأن = ما يشفي الخاطر المعلول

أصل البلا داخل الانسان = و الورد باقي على المجبول
يا كيف ورد الفرح ينهان = و يعيش بين الزهر مذبول

من خلقة الناس و الأكوان = للناس فيما تشوف اعقول
ما عاد نبته على ما كان = بعد اختلف و الزمن مسؤول

ما زال باقي جويد أغصان = و احنا على اللي نبيه انطول
الخوف يتأثر الوجدان = لو جيت ابقطف من المحصول

خذها نصيحة من الفهمان = لا نختلف و الكلام يطول
يا كم له الورد من ألوان =تبرق و فيها الشذا مقتول

ما زال في المسألة برهان = يلزم لبعض الأمور احلول
ورد الجبل عالي الميزان = و اللي بقاع السهل مخذول