ياذيب مامر بعواك الخوف وطعـون الرمـاح "
" وان صوتت لك غربة البيدا على الموت تعدي


كنك تشوف الليل دربن في مجااهيمـه بـراح "
" مداك صوت القاع وحدودك نزح عنها الـردي


لي صاحبن ياذيب لو تعطيـه قلبـك ماستبـاح "
" قلبي ولا غرّر بضحكات العفيفـات اجـودي


لي صاحبن ياذيب متن الليل في كفـه صبـاح "
" لو ينقض شعوره يموت سهيل في صدر الجدي


البارحه مرت بي الدنيا علـى خفقـة جنـاح "
"مدري وطيت القاع ولا القاع ماهي موعـدي ؟


سميت باسم الله يوم ان الرضـا درب الفـلاح "
" وابكيت صدري من ذنوبي والخطأ كبـل يـدي


يارب جيتك من عنى قلبي وفكري مااستـراح "
"اذل واخضع يا الاهي وانتهـي بـك وابتـدي


ارفق على عبدك وخذنى من مساليكن شحـااح "
" عجزت اصحيها على قبري وتدفن مـو لـدي


وعجزت من جرح اليتيم اللى غدا يتمه مبـاح "
" يارب وش عذري اليا زليت واخطيت اجهـدي


ناسن تعيش الموت في نبض الحياه بلا كفـاح "
" وناسن تموت وللحياه كفوفهـا صـدرن نـدي


ياصاحبي لاتنشد النسيان عن نقـض الجـراح "
" دامي حفظتك حفظ منهاج الحروف الابجـدي


والله ليفنيك احتضار الروح وعظامك صحـااح"
" واعيش في نبضك مثل حلم الخيال السرمـدي


وان هل دمع ابعاد كل الكون لو يغريك طـاح "
"لا تامن الدنيـا ولـك قلبـن يتـوب ويهتـدى


رح يافقيد الروح مالك في وسط عيني سمـاح "
"والله يساامح عبرتـن طاحـت وغطتهـا يـدي

الله الله الله
الله الله
الله
الله يعطيكم الف عافية