المشاركة الأصلية كتبت بواسطة ابوفياض النويمي

اشوف في وقتنا تقليب=أحد مثلي كذا شايف
اشوف طرد الغنم للذيب=واشوف ذيب الغنم خايف

المشاركة الأصلية كتبت بواسطة الوافي الجريح

يامرحبا وكامل الترحيب = عداد منهو سعى وطايف
دام الغنم ذيبها ماتهيب = الذيب من اكلها عايف

المشاركة الأصلية كتبت بواسطة لافي

اليوم رمح الظُّفَر مايصيب=بعد النخل صاف في الطايف
من وقت خلَّى الشباب يشيب=وخلَّى النخل في الشتاء صايف

المشاركة الأصلية كتبت بواسطة قيثار الصمت

ماتلام لو صابكم تعجيب=كثير في مظهره زايف
ومن لاعرف للمرامي يصيب=لاشك صابه سهم حايف

المشاركة الأصلية كتبت بواسطة بن دواس

لابد للمسأله ترتيب= مادام هذا الزمن زايف
الذيب عينه ابد ماتغيب= تلقاه وسط الغنم حايف

المشاركة الأصلية كتبت بواسطة محمدحرب

تتشوف ياخوي لين تشيب=ريع الردا معدنه زايف
والي معه بندقن ماتصيب=لوشالها منظره هايف