الورد والتوت والرمــــــــان=والجوهر اللامع الساطع
والثوب فيه الطبيعه ألـــوان=والطرف من لطفهم دامع
وش عاد تبغى بعد ما بان=جميل الاوصاف يا طامـع
يكفيك ما شفت بالاعيـان=وما كنت من لطفهم سامع
ما يكفي الشوف للولهان=والغصن فيه الثمر يانع
لابد نقطف من الأغصان=حلو الثمر بالحلا قانـع
ان كان تبغى الثمر يا فلان=بالقن والشـرع والواقـع
اسلك طريق العرب ما تهان=والكفئ مـا يمنعـه مانـع
حسب الشريعه لنا بنيان=والثوب لبسه ترى ناصع
لكن دونه شروط ألوان=اتهد الآمال من جاشـع
رجح جناب العمل باحسان=وخلك لما يشرطه خاضع
مهما ترى غليت الاثمان=المشترى يغـري البائـع