سلام رده على منهاج=تمشي على حسب سايرها
تمشي على الدرب مايحتاج=وايامها ماتغيرها
ترحيب ياللي بدعت العاج=الليله الله منورها
مافيه مدخل بلا مخراج=لكن ربك يدبرها
تبقون يانجم ياوهاج=في مبتداها وحاضرها
نبغى المعاني لها مدراج=وانته وانا مانحيرها
دورت عند الطبيب علاج=وعيادته ماتصورها
حط العلاجات فالأدراج=حتى المفاتيح كسرها
موقفك في غاية الإحراج=والمسأله لاتأخرها
والله جعل للظلام سراج=نوره يبدد غدايرها
واقلبي اللي غدا فانواج=والعين شابت مناظرها
غديت مثل الجمل لاهاج=والنفس ضاقت بصايرها
لاياجمل لايجيك إزعاج=لو كان دارت دوايرها
ومثلك لبس بالمعارف تاج=اللي بعيده يحضرها