تسألين !!
ليه كل شعري حزين
والحكي منيّ أنين!
ومن تضاريس الزّمن
كيف أنشبت أظفارها
وكيف أحفرت خـدّانها
فوق الجبين
ومن بياضٍ لاح بالمفرق
انا ادراه وبدا
كنّ الشّفق
تّوه يبين
تتعجّبين!!
توّك تجين وتسالين
ودّك تلومين الزّمان وتعتبين!
لاتظلمين
عمرَ الزّمن ماجار
حنّا الجايرين ...
بعدِك عن الرّد تنَشِدين!!
بجاوبك وبكل برود
بس قبلهاأبنشدك
وش ترتجين ؟؟
من قلب تملاه الطّعون
وفكرٍ شغلتيه بظنون
وعينٍ تغالب دمعها
عن لايبين
تشتاق لك وتحنّ لك
وانتي في ترحال وظعون!!
وش تحترين من بعد كل هذي الرّدود!!!
يا جاهلة ...
أنتي السبب ما هوالزّمن
لاتسألين...