شاعر حرب / مبروك الحربي ( ابو ناب ) و تركي 2000، 1425هـ في زواج عبدالله البلادي- رابغ
مبروك
يا مرحبا بإسم البلادي و البلادي من صقور=
يا مرحبا باللي حضر والنار مـن شبّابهـا =
قولوا لتركي يشعل النيران في كل الأمـور=
النّار من شبّابها و الخيـل مـن ركّابهـا =
دام البقا وانتم مع اهل العرف ما فيكم قصور=
والمعرفة عنوان للأصحاب عنـد أصحابهـا =
ليا شعلت النّار يابو نـاب فاحـن القـدور=
وانا ما اشب النّار لين أشب فـي مشهابهـا=
حياكم الله يا خنادف في الورود و فالصدور=
اللي تصك النوب قدّمهـا حيـاك الله بهـا =
انتم تعومون البحر ولاّ تحومون البـرور=
واللي تبيها قولهـا و الطيّبـة نرضابهـا =
يا صاحبي مهما تمر سنين و تعدّي شهور=
لحيتك ما نحسب لها الا من حساب اشنابها =
ان كان يابو ناب تنشدني ترى حنّا البحور=
اللي ليا هاجت على الديرة تشيـل ترابهـا =
البحر له حدّان ماشي نوب سَنّة و نوب سور=
أحسن لكم في البر و الأبحـار لا تشقابهـا =
يا صاحبي وش يفرق التاريخ ما بين الطيور=
بعض الطيور اللي تجينـا فاهقـات رقابهـا =
يالله عساك تعيش وقتك بالسعادة و السـرور=
قدّام ترمي بـك سبـاع الليـل بيـن أنيابهـا =
إن كان ونك تعرف التاريخ من ماضي العصور=
لا تدّعي بالحجـة اللـي مـا ربـح كتّابهـا =
يا تركي الألفين ما بيني و بينك جت حكـور=
وش عذركم فالحجة اللي ما تغلّـق بابهـا =
العذر ما يصلح مع الأصحاب لو قلت معَذور=
لو كان تحلف من طلوع الشمس لين غيابها =
إصبر على ما جاك في دنياك يالقلب الصبـور=
واليا جذيـت الدلّـة إقدمهـا علـى شرّابهـا =
الحي فوق الأرض و اللي مات في وسط القبور=
والعذر ينفع فالأمـور اليـا عرفـت أسبابهـا =
في صفحة التاريخ سجلنا لكم خمسه سطور=
الأولـى بحسابهـا و الثانيـة بحسابهـا =
ماانت بجاهل لو بجاهل قلت يأخذك الغرور=
لكن عاقل من كبار مطير جوف شعابهـا =
وشلون أجي فالوادي المدهور واكب الزهور=
لكن من دوّر على البلـوى يبـى يبلابهـا =
إن كان لك حاجة تحصّلها بعد يوم النشـور=
وان كان مالك شي ربعك لا تثور أعصابها =
من بعد جينا لأهل رابغ في حسب الوعد=
سـلام ردة وفـا والشـرع قانونـهـا =
يا حرب بعض السوالف مثل صوت الرعد=
و مسيلمة يلحـس الجمـرة بغليونهـا =
يا مرحبا مرحبا ذا الحين ولاّ بعـد=
ترحيبةٍ من حضر فالحفل يوحونهـا =
يا مطير وش رايكم لابان نجم السعد=
ومسيلمة تصدم الضلعان بقرونهـا =
يا مقدّم السبت من بعده يجيك الأحد=
واعد لليلى بعد ما مات مجنونهـا =
يا باني البيت ما يبنى بليّـا عمـد=
والروس ما عزّها الله غير بمتونها=
الليله العود حارب له ولد مع ولد=
بأهدافكم يا مطير اللي تعرفونها =