انتهينا ..

وما بقى شيء نتحسف عليه
وانتهت قصة كتبناها سوى..
ولا بقى من أحلامنا غير السراب ..
ولو سالتي ليه حصل منا كذا .. !
راح أقول أنتي سبب كل العذاب ..
كل ما اقرب منك عني تبعدين ..
وكل ما ابعد عنك مني تقربين
ما قدرت أنساك ولا أنتي تقدرين
كنت أحاول واعرف أنتي ليه ساكتة
وإن نطقتي ..!
كلمتك رد السلام
كنت أقول أحكي ..
قولي وش تبين ..
علميني ليه صمتك ..
وش ورئ صمتك كلام
جاوبيني عن سؤالي ..
عن عيونٍ غابت بنظراتها
عن شفايف غابت بضحكاتها
عن سوالف ليل يا الخل الوفي
جاوبيني ليه تغيرتي عليّ ..
ما أذكر إني قد قسيت
أو وعدتك وما وفيت
ولا أذكر إني قلت شيء يزعلك
وإن زعلتي جيت يمك أستسمحك
كنت أحاول ما أجرحك
وأنتي أكثر من يحاول
يصنع من الحبة قبة
وإن سألتك إلتزمتي بالسكوت
وإن تكلمتي غضبتي
وقلتي إني .. وإني إني ...
وصرت كني اللي سل سيفه
وأغمده في صدر ضيفه
ولا رحم صرخات صوته
يوم قال أنا دخيلك
يا حياتي ..!
من رسم لك في خيالك
صورتي ومشوهة
من نطق بأسمى وقال
إنك الحلم المحال
من بنى بيني وبينك
سور غامض وأسواره
خيال ..!
من قرأ لك في فنجال حظك
بأن عاشقك المتيم
خان ودك
ولا رحم دمعات خدك ..
من نسج لك كذبة إبريل ورسمها
وصور العاشق بعينك
أنه أشبه بذيب غابه
لا أشتهى كشر بنابه
من ..! ومن ... ومن ..! ... ومن .!
أسئلة في أسئلة .. في أسئلة
جاوبيني وش ورى صمتك كلام
وليه تغيرتي علي