( أصدق عباره )
صحيح العيش بيدينك حضـارة= ياأغلى من رمى قلبـي بنـاره
أنا من مرت عيونـك عيونـي= سجدت لمالك الملـك استخـاره
عيـون ترسـم لقلبـي رحيلـه= من الايـام فـي فـن ومهـاره
حسبت اني مابين الناس عايـش= قبل ماالرمش يعطينـي اشـارة
عرفت ان العمر لولاك ضايـع= مثل أعمار ( أطفال الحجـارة )
وعرفت انك وزير في خفوقـي= تحكـم بـه وانـا قلبـي وزارة
وعرفت اشياء بالدنيـا غريبـه= خطا قلـب المولـع واعتـذارة
وتذكـرت السنـيـن الاولـيـه= من اللي قال لي بالناس جارة ؟؟؟
سنين تمـر والموعـد عيونـك= وليـل ينتظـر لقيـا نـهـاره
أحبـك كثـر ماجيـت بخيالـي= وكثر ماشنت الاهـداب غـارة
لإنـك عالمـي وايـام عمـري= وقلبي عيشتـه وانـت انتحـارة
وانـا ياسيـدي بكتـب لقلبـك= قبل مانفترق (أصـدق عبـارة)
ترى لو ضاع عمري في غرامك= حشـا لله مـاأعـده خـسـارة