القيتها بحفل اهالي عطا بمنطقة القصيم بتعيين الشيخ
فيحان الذويبي شيخ مشايخ بني عمر منحرب 24>1428ه

]
يامرحبا واهلين والفين ترحيب= بالمحفل الي صاطعٍ ضي نوره
نوره قبال مكملين المواجيب= لاشرفو حفله تكامل سروره
راعيه وجه للعموم المناديب = والناس من هم الطريق معذوره
الناس توعد والليالي لها غيب= ماكل مخلوقٍ على الكيف أموره
قلته وانا لاجيت ضمن المعازيب= متطلباته ماهي بس بحضوره
بالشور والميقاف وبلدت الجيب= يفداك رجل فيه هفوه وبوره
فيحان بن ناهس عريب المجاذيب= باركتله ومباركله حضوره
من حرب والامن بعيد الاجانيب = من زارنا وقت النوايب نزوره
تستاهل الترشيح يامعدن الطيب = يالنادر اللي وافيات شبوره
يالين الجانب عطيب المضاريب= يفداك من غير مكانه غروره
قلته وانا محرج من المدح ياديب= والعلم واضح والرجال مخبوره
لنته قليل عرف والاتجاريب= ساني ومسني بالزمان ومروره
هذا وانا عندي ورى الشرح تعقيب= تعقيب من شاف الغياره بدوره
ترى التكاتف في جميع الاساليب= قصرٍ يكبر هيبته طول سوره
وترى التفرق فيه للمجتمع عيب = نفس الرجل في كل حالٍ غيوره
للصف تنضيمٍ وللفكر تهذيب= والعلم نور وشرع الاسلام شوره
زل الجهل ومراقعات المشاعيب= والحكم لله ثم لاخوان نوره
وصلاة ربي عد خط المكاتيب= على نبيٍ هدي الاسلام نوره
غازي الزغيبي [/poem]