الموضوع
:
ديوان الشاعر / عضيب بن هليل العلوي الحربي
عرض مشاركة واحدة
07-09-07, 02:41 AM
#
3
مؤسس ملتقى قبيلة حرب الرسمي
هذه القصيده قلتها عندما اتجهت الى احد الاشخاص من قبيلة اخرى طالباً فزعته بموضوع يخص احد افراد القبيله وما كان رد هذا الشخص سوى الا يوجد له شيخ او قبيله يقومون بموضوعه فحز ذلك بخاطري وقلت هذه الابيات
ياشهيل كنك بالحقيقه تحلا=اعطيك علمن ماينقط ثباته
اميرنا زبن الغريب المجلا=هو ريف من ضاقت عليه سعواته
لاضايقه جور الدهر واستذلا=واصبح عليه الوقت يرفع قناته
هذاك لامنه نصاك استدلا=علي ولد محسن تجوز شرهاته
لاجاه عنه الضيم والحزن ولا=بسعود ابو فيصل تحقق براته
شيخٍ لياشاف المسايير هلا=قولت هلا يامرحبا من صفاته
في مجلسه يابن الحموله تسلا=يومن بعض الشيوخ يخسر حياته
خطو البليد اللي بالانعام فلا=بطنه كبير ولادرا عن عباته
وله سفرتن فيه الصياني تملا=من عوج الارجل والهرافه شواته
وربعه حمول الخيل واسأل معلا=عدوهم ياشهيل يكثر شتاته
ربعن سلفهم للمخافه تدلا=ليتك سألت العود قبل وفاته
خيالهم ياشهيل ماقيل ذلا=يفرحبهم من ضيم عند انوقاته
في شيوخنا شيوخ القبايل تحلا=ولاخير بمن ضيع دليل كلماته
=الشاعر / عضيب بن هليل الحربي
التوقيع :
أبــدع فـي مــواضيـعــك , وأحســن فـي ردودك , وقــدم كــل مــا لــديــك ,
ولا يغــرك فهمــك , ولا يهينــك جهــلك , ولا تنتظــر شكــر أحـــد ,
بــل اشكــر الله على هذه النعمــة ,
ولله الحمــد والشكــر
ابوفواز النويمي
مشاهدة ملفه الشخصي
زيارة موقع ابوفواز النويمي المفضل
البحث عن كل مشاركات ابوفواز النويمي