صباح الخير يالطاهر الغايب
صباحك توبه وغفران
يبه00كيف حالك
كيف حال عيونك و قلبك
يبه00أطمن حالنا هو حالنا
يبه في غيابك ماتغير شئ
حتى صوت المؤذن ماتغير حيل
فيه شبه منك00
و شياب العصر هم هم 00ماتغير شئ
و سيرتك بالخير ماتفارق مجالسهم00
و عكازك على حاله ريحة العود فـ كفوفك على رأسه
ماتغير شئ000!!!!!!
بس اللي تغير نظرة عيوني و لوني
و سوالف أمي و أخواني
بس هذا اللي تغير
و ماأختفى في غيابك أي شئ
بس الفرح و صوتك وأنت تهمس لي
أمي و أبوي أنتي
و أصوات الألم و كلمة يبه00
*
*
وحشتني سواليفك وو حشة غيبتك أكثر
*
*
ياربي لا تحرمه الجنه 00يارب تغفرله و تثيبه00
*
*