ألا يامرحبا فالحله اللي لمت الشعار=نيابه عن رجال قريش قاصيها ودانيها
وحاضر من شبابه واحد دايم يشب النار=لكن النار لن جاها المطر لازم يطفيها
لعلك للبقا يالشاعر اللي تجمع الاخبار=وترسلها على نقرة عتاب ولا تسميها
انا جيتك ودربي من يمين ولا يروح يسار=لاشك الحصاه الصلبه اعرف وين اوديها
وحنا يوم شفناكم وقلنا نبدي المشوار=وصفحات الجريده عند غيرك مانقريها
انا خابرك تبتع يالسحيمي بتعة المنشار=ولن شلت الحصاه الصلبه اصحه لاتوطيها
اعرف انك من اهل الستر ماتبدي لنا الاسرار=لكن الصبح ابطلب منك حاديها وباديها
الا ياهون المدخال لكن النكبه المظهار=وانا عيني صحيحه تعرف البندق وراميها
انا لاشفت لي مستور اضفي سترها بستار=وازيد الحافها بالحاف لين الليل يمسيها
انا خابرك دايم للمعاني نار ابن عمار=وانا خابرك دايم تلزم الجره باثاريها
ترى رجلك كريمه ماتداني دقة المسمار=لكنك مشتهي يسارك واليمنى تحدويها
عساها ماتعدا حداها والعلوم اصغار=ولا كبرت تبلوانا ونبلس في بلاويها
انا رجلي كريمه والفلك يااصحابنا دوار=اثبت خطوتي والقوم اصابحها وامسيها
انا وياك ياصياف نحسب من ركون الدار=لكن اقصور صنعا ماعرفنا من سكن فيها
ابوك خيار وانته رجل في بعض العلوم خيار=لونك تطحن الصبره وضحكاتك تحلويها
يقولون العرب طير الزمان اللي موقع طار=ومن يعرف حلاياها بعد ساعه يحليها