مجلس طلال الجابري حي فاله
مجلس لحرب وكل طيب من الناس
الباب فاتح والرجال اتعناله
ماحط باليبان ضبه وترباس
على وجار النار تلقى دلاله
هن غايت الضرمان ومعومس الراس
ماحط عامل خادمينه عياله
حي العيال وحي من جود الساس
جاك الولد بالطيب يشبه خواله
وان راح عمانه كسب كل نوماس
اهل المواقف والكرم والجزاله
عزوة بني جابر للمجاد نبراس
تاريح حافل بالنقى والبساله
اليوم ولا يوم الارياق يباس
الطيب له يجاهله كنبياله
لو هو بلاش يفوز به كل هلاس
قمة جبل عانق علوه خياله
ماله حدود مانحصر بين الاقواس