وضحا الجدعية من الجداعين من علوى من مطير حسب ماسمعت شاعرة فاضلة لها شعر كثير لم اعرف منه إلا القليل أرجو من يعرف لها شي ينزله في هذا المتصفح
يـاويلـدي فـي ديرة القوم خـلوه
مالـه صـديقٍ يـنهضه يــوم طـاحي
جابوه من منزل مجيره وذكوه
ذكوه تذكيت الطلي بالمراحي
ماله مجيرٍ يمنعه يوم جابوه
يرد دونه ماضيات الرماحي
لـــو هــو دخــيــلٍ للـمراوين فــكوه
بالمال والا في رهيف السلاحـي
ولها ايضاً هذه الابيات رثاء في زوجها
السيف عندي والقديمي والآيف
غير الفرود اللي زهى لبسهني
أبو قرون فوق متنه عطايف
على مصاريع الفرس شرعني
ومن قصيد الجدعية في عيالها
لا والله الا قيل هزاع غادي
من يوم ماجاني على كور وجناه
الدم غاشي الميركة والشدادي
ياخبل عيني قاعدة وترجاه
وهذي قصيدة ثانية
ياويلدي من يوم انا حاملٍ به
وهو بطني تقل مخاليب طاير
وربع سنين من الزمن تم عقله
ومن مثلهن تبدى عليه السراير
وهذي ابيات قالها واحد من عيالها بعد ماتصوب في المعركة وأخذه واحد من القوم وقام يعالجه قال ولد الجدعية والظاهر اسمه محمد :
عزي لبنت معربين القبايل
من زوعة الدنيا لها سبع زوعات
لازم تجيك أمي على كور حايل
تبي ولدها والولد قدمها مات
ولها ايضاً هذه القصيدة
يا معتني باللي حَواله قليلة
وأبوه خلِّي من ورا ذخر وهَدّان
واهني من شافه يقود الاصيلة
متجنّبٍ صفرا وسروال تومان
ومزرَّجٍ عَطب الضرايب يشيله
ليا جا لهن بين الصلاتين ميدان
وان كان ما شَلّ الدِمِي قِدم جيله
وإلا لعلّه لا حِمِل به ولا كان
وهاذي أبيات ثانية
لاوالله الا قيل هزاع غادي !
يا خبل عيني قاعدة واتحراه
الدم غاشي الميركة والشدادي
وش فيه ماجاني على كور وجناه
اليوم ابلبس له ثياب الحدادي
والدمع من عيني على الخد مجراه
مرحوم يامروي حدود الهنادي
لاحل باطراف الركايب مثاراه
وقيل ان عيال الجدعية سبعة كلهم يقتلون
فاقالت في رثاهم الكثير من القصيد
الرجاء من كان يعرف قصيد للجدعية ينزله
هنا
ولها ايضاً هذه القصيدة الذي تخاطب بها ابنها غازي رداً على أبيات له غزلية هو يقول
يامرحبا باللي على بيتنا مر
رد السلام ولا معي فيه حيلة
ياحلو زوله لا مشى بالمشجر
ياطى بمصبوب القدم في شليله
يامرحبا عدة حصى كشب وكثر
ولا جرادٍ ناشرٍ من مقيله
قالت ردً على ابنها غازي
وراك ياغازي تجر الهوى جر
إنهاك عن درب الهوى وتغديله
ترى الهوى هزعت اركيبٍ اليامر
عن بيت خبلٍ مايجمل مقيله
يذبح لهم كبشٍ من العام يجتر
بمروبعٍ كلٍ من شافه يجيله
وحجلا رباعٍ. كنها بنت الابجر
خيالها يفرق خليل وخليله