بغيت اعدل مايل الناس وازريت
ازريت اعدل مايلٍ في ضميري
هذا بيت تناوله الكثير من الرواة وهناك من من ينسبه إلى عدد من الشعراء
والصحيح ان هذا البيت من قصيدة
للشاعر ساير بن راجح بن عجل المزيني الحربي المتوفى سنة 1354 هــ
وإليكم القصيدة
ياسرور انا في عالي الرجم عديت
وحاولت افكر واتفكر مثل غيري
ودعيت ناسٍ خالفوني وناديت
و اقفوا وانا في موقفي مستخيري
بغيت اعدل مايل الناس وازريت
وازريت اعدل مايلٍ في ضميري
ماجتني الدنيا على ماتمنيت
يوم انقطع حبل الرجا من عشيري
وأيست من طرد المقفين واقفيت
ونزلت ملواحي وبرقعت طيري
واليا وجب واجبٍ علي استعديت
ماني مهين ولا ذراعي قصيري
الشاعر : ساير بن راجح بن عجل المزيني الحربي رحمه الله